नरैनापुर । गरिबी निवारणका लागि लघु उद्यम विकास कार्यक्रम अन्तर्गत् एक दिने वडा स्तरीय अभिमुखीकरण कार्यक्रम सम्पन्न भएको छ ।
नेपाल सरकार उद्योग बाणिज्य तथा आपूर्ति मन्त्रालयको आर्थिक तथा प्राविधिक अनुदानमा सञ्चालित गरिबी निवारणका लागि लघु उद्यम विकास कार्यक्रम अन्तर्गत्को एक दिने वडा स्तरीय अभिमुखीकरण कार्यक्रम वडा नम्बर ६ का वडा अध्यक्ष विरेन्द्रपाल सिंहको अध्यक्षतामा भएको हो । 
नरैनापुर गाउँपालिकाको आयोजनामा वडा नम्बर ६ मा आयोजित कार्यक्रममा प्रमुख अतिथि गाउँपालिकाका अध्यक्ष इस्तियाक अहमद शाहले नागरिकले आफ्नो जीवनस्तर माथि उठाउन उद्यमशील बन्न जरुरी रहेको बताउनुभयो । गरिबीको अवस्थामा सुधार गर्न लुघ उद्यमको विकास गर्दै नागरिकहरु कर्मशील हुनुपर्नेमा अध्यक्ष शाहको जोड छ । 
यस कार्यक्रम अन्तर्गत् चाउमिन बनाउने, सिलाईकटाई, बुनाई, बाख्रापालन, भैंसीपालन, च्याउ खेती, दालमोट बनाउने, बेकरी, इलेक्ट्रोनिक्स, मोबाइल, मोटरसाइकल मर्मत, ब्युटीपार्लर लगायतका प्रस्तावित कार्यक्रम छन् ।
