बाँके । नरैनापुर गाउँपालिकाका अध्यक्ष इस्तियाक अहमद शाह बिहिबार भेरी अस्पताल पुगेर एक जना बिरामीको स्वास्थ्य अवस्थाको बारेमा जानकारी लिनु भएको छ ।
नरैनापुर ५ का ४० वर्षीया जलिल बेहनाको एक महिना देखि भेरी अस्पतालमा उपचार भइरहेको छ । बेहनालाई भेट्न अध्यक्ष शाह अस्पताल पुग्नु भएको थियो ।
बिरामीको आर्थिक अवस्था कमजोर रहेकोले पालिकाका तर्फबाट हाल सम्म सहयोग गर्दै आएको उल्लेख गर्दै अध्यक्ष शाहले बेहनाको पेटको सर्जरी भएकोले अस्पतालमा राखेर अझै केही दिन उपचार हुने भन्दै बिरामीको शीघ्र स्वास्थ्य लाभको कामना गर्नु भयो ।
आर्थिक अवस्था कमजोर रहेकोले बेहनाको उपचारमा सहयोग गरिदिन कमसर खाँले मनकारीहरु संग आग्रह गर्नु भएको छ ।
