बाँके । वडा प्रहरी कार्यालय नेपालगन्जका प्रमुख रिपेन्द्रकुमार सिंहले शान्ति सुरक्षा कायम गर्न आफु जति सक्दो लाग्ने बताएका छन् । हालै नेपालगन्जमा सरुवा भएर आएका उनले बुधबार पत्रकारसँग परिचयात्मक कार्यक्रमसँगै अन्तरक्रिया गरेका हुन् ।
उनले वडा प्रहरी कार्यालय नेपालगञ्ज मिडियामैत्री रहने बताउदैं आफु आपराधिक गतिविधि नियन्त्रणमा कडाईका साथ लाग्ने बताए । लागुऔषध नियन्त्रण, ट्राफिक व्यवस्थापन लगायतका नगरका प्रमुख समस्या समाधानका लागि सरोकारवाला निकायहरुसँग छलफल गरि अघि बढ्ने बताए ।
सिंहले भने प्रहरी एक्लैले समस्या समाधान गर्न नसक्ने भएकोले नागरिक स्तरबाट साथ दिन अपिल गरे । उनले वडा प्रहरी कार्यालयलाई मानव अधिकार मैत्री बनाउने बताउदै नागरिकहरुले आफ्नो गुनासो सहज तरिकाले दिन सक्ने जिकिर गरे ।
