२०७९ साल माघ १५ गते अाईतबार

लुम्बिनी प्रदेश कांग्रेस संसदीय दलको नेतामा डिल्ली चौधरी चयन

यूथ टुडे संवाददाता १८ पुस २०७९, सोमबार ०४:५२ मा प्रकाशित

काठमाडौं । लुम्बिनी प्रदेश कांग्रेस संसदीय दलको नेतामा डिल्ली चौधरी सर्वसम्मत चयन भएका छन् ।

लुम्बिनी प्रदेश कार्यसम्पादन समितिको बैठकले संसदीय दलको नेता चयनका लागि निर्माण गरेको समितिले चौधरीलाई सर्वसम्मत दलको नेता चयन गरेको हो ।

दाङ क्षेत्र नम्बर ३ (१) बाट निर्वाचित चौधरी हाल पर्यटन, ग्रामिण तथा सहरी विकास मन्त्री समेत हुन् ।

कांग्रेस संसदीय दलको नेताका लागि डिल्ली चौधरीसँगै राजु खनाल, अब्दुल रज्जाक र जन्मजय तिमिल्सिना, वीरबहादुर राना र निमा गिरीले संसदीय दलको नेतामा दाबी गरेका थिए । दाबी गरेका मध्ये चाैधरी सर्वसम्मत संसदीय दलको नेता चयन भएकाे कार्यसमितिका सभापति अमरसिंह पुनले जानकारी दिए । 

लुम्बिनी प्रदेश सभामा कूल ८७ सिटमध्ये प्रत्यक्षमा १७ र समानुपातिकमा १० गरी कांग्रेसका २७ जना सांसद छन् ।