बाँके । बाँकेको जानकी गाउँपालिका वडा नं ५ का अध्यक्ष टिका नाथ यादव शैक्षिक गुणस्तर सुधारका लागि एक्सनमा देखिएका छन् ।
वडा न.५ मै रहेको नेपाल राष्ट्रिय आधारभुत बिधालय गुुरुवागाँउमा पुगेर शैक्षिक गुणस्तर र भौतिक संरचनाको अनुगमन गरेका हुन् ।
विधालयका प्रधानध्यापक र बिधालय ब्यवस्थापन समितिका अध्यक्ष अन्य शिक्षक , शिक्षिका लगायतका ब्यक्तिहरु संग भेटघाट गरी वडा अध्यक्ष यादवले शिक्षकले आफ्नो जिम्मेवारी इमान्दारीपूर्वक निर्वाह गरेको खण्डमा शैक्षिक गुणस्तरमा बृद्धि आउने धारणा राखे ।
उनले विद्यालयको अनुगमन पश्चात वडाको हरेक काममा तुरुन्तै एक्सनमा जाने बताएका छन् । वडाका सबै विद्यालय स्वास्थ्य चौकीको अनुगमन बेला बेलामा गरिने समेत वडा अध्यक्ष यादवले बताए ।
अनुगमनको क्रममा कर्मचारीले अटेरी गरेमा नियम पुर्वक कार्वाही गरिने यादवको भनाई छ । बिधालयको भौतिक ,प्रशासनिक ,आर्थिक अवस्थाको निरीक्षण तथा बिद्यार्थीहरुको शैक्षिक अवस्थाका बारेमा अनुगमन गरिएको वडा अध्यक्ष यादवले बताए ।
