बाँके । नेपाली कांग्रेसका नेता एवम् संविधानसभा सदस्य आजी अब्दुल हमिद सिद्धिकि (भोला) को निधन भएको छ । ६० वर्षीय सिद्धिकिको सामेबार राती ११ बजे मेडिकल कालेज नेपालगंजमा हृदयाघातबाट निधन भएको हो ।
उनको पार्थिव शरीरलाई आज मंगलबार ४ बजे इस्लामीक पराम्परा अनुसार नेपालगंज ४ मा रहेको कब्रिस्तानमा अन्त्येष्टि गर्ने कार्यक्रम रहेको नेपाली काग्रेशका नेता आजी अब्दुल कादीरले जानकारी दिनु भयो । सिद्धिकि नेपाली कांग्रेसको लामो इतिहासका जानकार मानिन्थे ।
बहुआयमिक छवि भएका सिद्धिकि राजनीतिसँगै साहित्यकार र समाजसेवीका रुपमा समेत चिनिन्थे । उनी कांग्रेसबाटै संविधानसभा सदस्य समेत थिए ।
सिद्धिकि शालिन, सादगी र सरल व्यक्तित्वका धनी थिए । ‘नेपालको राजनीतिक एवं सामाजिक रुपान्तरणको अभियानमा संलग्न रहँदै आउनु भएको थियो । नेपाली काग्रेशका नेता एंव नेपालगंजका मेयर प्रशान्त विष्टले भन्नुभयो,उहाँको निधनबाट नेपाली कांग्रेसले एक असल, अनुभवी, इतिहासका जानकार व्यक्तित्वलाई गुमाएको छ र अपूरणीय क्षति पुगेको छ ।,’
स्वर्गीय सिद्धिकिको निधनप्रति नेपालगंज उपमहानगरपालिकाले दुःख व्यक्त गर्दै नेपालगंजमा आधादिनका लागि शोक विदा दिएको छ । मेयर विष्टले लोकतान्त्रिक आन्दोलनमा सिद्धिकिले महत्वपूर्ण योगदान पु¥याएको भन्दै उनी कांग्रेसको इतिहासमा सदा स्मरणीय रहेको बताएका छन् ।
सिद्धिकिको निधनमा कांग्रेस बाँकेले शोक मनाउने निणर्य गरेको छ । कांग्रेसले पार्टीको कार्यालयहमा तीन दिनसम्म पार्टीको झन्डा आधा झुकाउने र औपचारीक कार्यक्रमहरु स्थागित गरी कार्यालयमा शोक पुस्तिका राख्ने जनाएको छ ।
यसैगरी नरैनापुर गाँउपालिकाका अध्यक्ष शैयद इस्तियाक अहमद शाहले सिद्धिकिको हृदयाघातबाट भएको निधनप्रति दुःख व्यक्त गर्दै शोकसन्तप्त परिवारजनप्रति समवेदना प्रकट गर्नु भयो ।
नेपालको संविधान निर्माण तथा जारी गर्नका लागि उहाँले निर्वाह गर्नुभएको भूमिका र नेपालमा लोकतान्त्रिक गणतन्त्र स्थापना गर्न उहाँले पु¥याउनुभएको योगदानको उच्च कदर गर्दै स्वर्गीय सिद्धिकिको निष्ठा र त्यागलाई सबैले आत्मसात् गर्नसक्नु नै उहाँप्रतिको सच्चा श्रद्धाञ्जली हुने विश्वास व्यक्त गर्नु भयो ।
