बाँके । स्वास्थ्य कार्यालय बाँकेले क्षेत्रीय रक्त संचार केन्द्र नेपालगंजलाई ५० पिस आइस बोक्स हस्तान्तरण गरेको छ ।
स्वास्थ्य कार्यालय बाँकेका प्रमुख अंगत बहादुर शाहीले रक्त सञ्चारका प्रमुख उपेन्द्र रेग्मीलाई बोक्स हस्तान्तरण गर्नु भएको थियो ।
बोक्स हस्तान्तरण गर्दै अंगत बहादुर शाहीले रक्तदान एवं रक्तसन्चार केन्द्रलाई हरेक निकायबाट सहयोग उपलब्ध गराउने प्रतिबद्धता समेत व्यक्त गर्नु भयो । 
कार्यक्रममा रक्तसञ्चार केन्द्रका प्रमुख रेग्मीले एक ठाउँबाट अर्को ठाउमा रगत पठाउन आइस बोक्सको अभाव हुँदा रगत पठाउन निकै समस्या भइरहेका बेला स्वास्थ्य कार्यालय बाँकेले आइस बोक्स सहयोग गरेर ठुलो राहत पुगेको बताउनुभयो ।
रेडक्रस सोसाइटी बाँकेले क्षेत्रीय रक्तसञ्चार केन्द्र नेपालगञ्ज सहित ३ वटा ब्लड बैंक संचालन गरेको छ ।
