बाँके । आसन्न स्थानीय तह निर्वाचन २०७९ मा मूख्य राजनीतिक दलले गठबन्धनको नाममा शिक्षित युवाहरुलाई वडामा उम्मेदवार नबनाए पछि त्यसको प्रतिकार स्वरुप स्वतन्त्र रुपमा नेपालगञ्ज ५ को वडा अध्यक्ष पदमा उम्मेदवारी दिनु भएका अब्दुल अजिज हल्वाई प्रति वडामा दिन प्रतिदिन जलहर बढ्दै गएको छ । 
“लौरो” चुनाव चिन्ह लिएर अब्दुल अजिज आफूलाई भोट दिन टोल र घर घरमा जाने अभियान चलाएपछि अब्दुलप्रति जनलहर बढ्दै गएको छ ।
चुनावको समयमा मात्र नभई आधा दशकभन्दा लामो समयदेखि सक्रिय रुपमा सामाजिक कृयाकलापमार्फत वडावासीको सुख दु:खमा सदैव उपस्थित र सहभागी हुँदै आएका अब्दुललाई जिताउन नेपालगञ्ज ५ मा रहेका विभिन्न राजनीतिक पार्टीका युवा र वृद्ध उत्साहपूर्ण रुपमा घर दैलो अभियानमा सहभागि भएपछि अब्दुल साझा उम्मेदवारको रुपमा देखिन थालेका छन् ।
महिला सशक्तिकरण र युवाहरुको चर्का नारा लगाउने तर महिला, युवा र वृद्धलाईअधिकार दिनु पर्दा मौन बस्ने प्रवृत्ति विरुद्ध खुल्ला रुपमा चुनावी मैदानमा उत्रिएका साहसी, इमान्दार र लोकप्रिय उम्मेदवार अब्दुललाई यही वैशाख ३० गते हुने निर्वाचनमा मतदान गरी विजयी बनाउन नेपालगञ्ज ५ का मतदाताहरू उत्साहित देखिएका छन् ।
