एजेन्सी । भारतले आठौं पटक साफ च्याम्पियनशीप फुटबल प्रतियोगिता जितेको छ।
आज राती माल्दिभ्सको राजधानी खेमालेमा भएको प्रतियोगिताको फाईनलमा भारतले नेपाललाई शुन्यका बिरुध्द ३ गोलले पराजित गरेको हो। मध्यान्तर अघि सम्म भारतलाई कडा चुनौति दिन सफल नेपाल टिमले मध्यान्तर लगत्तै लगातार २ गोल खाएको थियो। ५ मिनेट भित्रै कप्तान सुनिल क्षेत्री र अर्का खेलाडी सुरेश सिंहले गोल गरेका थिए। भारतीय कप्तान सुनिल क्षेत्रीले यो प्रतियोगितामा कूल ५ गोल गरेका थिए।
यसपालीको साफ च्याम्पियनशीप फुटबलमा राम्रो उपस्थिति जनाउँदै समूह च्याम्पियनको आधारमा फाईनलमा पुगेको नेपालले आज सुरु देखि राम्रो खेलेको थियो। तर वर्षाको कारण खेलाडीहरुको प्रदर्शनमा केही अवरोध पुगेको देखिन्थ्यो। नेपाली खेलाडीहरु लगातार २ गोल खाएपछी नर्भस भएका देखिन्थे। तापनि नेपाली खेलाडीहरुले स्थिति आफ्नो पक्षमा फर्काउने प्रयास नगरेका होईनन। तर खेल समाप्तितिरको क्षणमा भारतको तर्फबाट तेश्रो गोल पनि थपिएको थियो।
आजको खेलमा नेपाली टिमका शशक्त खेलाडी अन्जन विष्टको उपस्थिति पनि खडकियो। उनि सस्पेण्ड भएका कारण आज मैदानमा उत्रन पाएनन। यसैगरी नेपाली टिमका मुख्य प्रशिक्षक अब्दुला अलमुतारी पनि सस्पेण्ड भएका नियाउरो मुख लगाएर दर्शक दिर्घामा बसेर खेल हेरिरहेका थिए।
आजको खेलमा अग्र पङ्तिका नवयुग श्रेष्ठ, मनिष डाँगी, सुजल श्रेष्ठ जस्ता खेलाडीले राम्रो स्थितिको श्रृजना गरेका गिए। यसैगरी गोल किपर किरणकुमार लिम्बु,शशक्त रक्षा पङ्तिका खेलाडी रोहित चन्द जस्ता खेलाडीले कयौं सम्भावित गोल जोगाएका थिए।
