काठमाडौं । प्रधानमन्त्री पुष्पकमल दाहाल प्रचण्डले आज मन्त्रिपरिषद् विस्तार गर्दै छन् । सत्ता गठबन्धनमा मन्त्रायलयको भागबन्डाको टुङ्गो लागेसंगै आज(मंगलबार) मन्त्रिपरिषद् विस्तार हुन लागेको हो ।
दलहरूबीच भएको सहमति अनुसार नेकपा माओवादी केन्द्रले प्रधानमन्त्री, चार मन्त्री र एक राज्यमन्त्री पाउने भएको छ । प्रधानमन्त्रीमा प्रचण्ड र उपप्रधान एवं भौतिक पूर्वाधार तथा यातायात मन्त्रीमा नारायणकाजी श्रेष्ठले पहिलो चरणमै शपथ लिइसकेका छन् ।
थप तीन मन्त्रीमा रेखा शर्मा, सुदन किराँती र अमनलाल मोदीले अवसर पाउने भएका छन् । नेतृ रेखा शर्मा सुचना तथा सञ्चार मनत्री बन्दै छिन भने सुदन किराँतीले संस्कृति, पर्यटन तथा नागरिक उड्डयन मन्त्रालय सम्हाल्ने भएका छन् । त्यस्तै अमनलाल मोदीलाई सङ्घीय मामिला तथा सामान्य प्रशासन मन्त्रालयको जिम्मेवारी दिइने भएको छ ।
एक राज्यमन्त्रीको भने टुङ्गो लाग्न बाँकी नै रहेको छ । नवनियुत्त, मन्त्रीको शपथ दिउँसो १ बजे हुने तय गरिएको छ ।
