काठमाडौं । ट्राफिक प्रहरीले सभामुख डीपी अर्यालको गाडीलाई चिट काटेको छ । थापाथलीस्थित सडकमा ट्राफिक नियम उल्लघंन गरेपछि सभामुखको गाडीलाई ट्राफिक प्रहरीले चिट काटेको हो । सभामुखको गाडीसँगै अगुवा र पछुवा गरी तीन वटा गाडीलाई चिट काटिएको छ ।
थापाथलीमा लेन क्रस गर्ने क्रममा ट्राफिक नियम उल्लघंन गरेर सभामुखको गाडी सिंहदरबार पुगेको थियो । ट्राफिक प्रहरी सिंहदरबारमै गएर चिट काटेको स्रोतले जानकारी दियो । यद्यपी सभामुख अर्याल सवार भए÷नभएकोबारेमा भने प्रहरीले खुलाएको छैन ।
