बाँके । सिके राउत नेतृत्वको जनमत पार्टीबाट बाँकेको डुडुवा गाउँपालिकाको अध्यक्षमा रियाज अहमद शेषको उम्मेदवारी घोषणा गरिएको छ । उनले डुडुवा गाउँपालिकामा आफ्नो पकड बलियो भएकाले चुनाव लड्न लागेको बताए ।
उनले आफ्नो जित सम्पूर्ण युवाहरुको हुने बताए । उनले जनताहरु पुराना पार्टीबाट आजित भएकाले नयाँ पार्टीकारुपमा आफुलाई विजयी बनाउने बताए ।
आफ्नो उम्मेदवारीबाट जनताहरु उत्साहीत भएको पनि बताए । उनले आफु जितेपछि शिक्षालाई विकास गरिने बताए । उनले डुडुवा पालिका मधेशी र मुस्लिम बाहुल पालिकारहेकाले बालबालिकाको शिक्षाको पहुँचमा ल्याउने बताए । उनले जित्ने आधार भनेकै जनताको आधार भएको बताए ।
उनले अहिलेसम्म जनता ठूला दलको थिचोमिचोमा परेको चुनाव जित्ने आधार जनतानै भएको बताए । आफ्नो पार्टी गरीव र विपन्न समुदायको पार्टी भएकाले सबैले साथ दिने बताए ।
उनले नगरमै चुनाव लड्ने योजना भएपनि डुडुवा गाउँपालिकाबासीले देखाएको सदभावका कारणले डुडुवाबाटै चुनाव लड्न लागेको बताए । उनले बाटोघाटो पुलपुलेसा निर्माणमा आफनो पार्टीले चुनावी एजेण्डा बनाएको पनि प्रतिक्रिया दिए ।
उनले बाटो आवश्यक भएपनि शुरुमा मानिसलाई आत्मनिर्भर बनाउनुनै रहेकोे बताए । उनले खासगरी गरिव र विपन्न समुदायका मानिसहरुको आर्थिक आयआर्जनका लागि पहल गरिने बताए ।
किसानहरुको बारेमा कुनै पनि राजनीतिक दलले चुनावी एजेण्डा नबनाएको भन्दै आफ्नो पार्टी किसानलाई प्राथमिकता दिएको बताए । डा सिके रावतको मुख्य उद्देश्यनै किसान लक्षित रहेकोले उनले आफ्नो चुनावी एजेण्डापनि किसानको हितमा रहने बताए । उनले डुडुवाका सम्पूर्ण किसानको माग सम्वोधनका लागि पहल गरिने बताए ।
