काठमाडौं । अध्यक्ष पुष्पकमल दाहाल ‘प्रचण्ड’ र प्रधानमन्त्री शेरबहादुर देउवाले एमसीसीलाई खेलेको पत्र सार्वजनिक भएपछि नेकपा माओवादी केन्द्रले व्यपाक आलोचना खेप्नु परेको छ ।
एमसीसीमा भएका कतिपय प्रावधान संशोधन नगरी पारित गर्न नसकिने भन्दै सार्वजनिक धारणा राख्दै आएका प्रचण्डले नै ‘एमसीसी अनुमोदन गर्छौ’ भनेर एमसीसीलाई लेखेको पत्र सार्वजनिक भएपछि माओवादीले आलोचना खेप्नु परेको हो ।
चौतर्फी आलोचना भएपछि माओवादीले केन्द्रीय समितिको बैठक राखेरै एमसीसीबारे आधिकारिक धारणा बनाउने निष्कर्षमा पुगेको छ । पत्र सार्वजनिक भएसँगै माओवादीका शीर्ष नेता छलफलमा जुटेका छन् । शीर्ष नेताहरुबीच एमसीसीबारे केन्द्रीय समितिको बैठकबाटै आधिकारिक धारणा तय गर्ने सहमति भएको छ ।
एमसीसीबारे आधिकरिक धारणा बनाउन माओवादीले माघ २७ गते केन्द्रीय समितिको बैठक बोलाएको छ ।
