काठमाडौँ । नेपाली कांग्रेसको सहमहामन्त्री खुलातर्फ रामहरि खतिवडा र अजयबाबु शिवाकोटी निर्वाचित भएका छन्।
कांग्रेसको १५औँ महाधिवेशनअन्तर्गत सहमहामन्त्री खुलातर्फ दुई पदका लागि भएको निर्वाचनको मतगणना मंगलबार सकिएको हो।
खतिवडाले २ हजार ९१९ र शिवाकोटी २ हजार १७२ मत पाए। सहमहामन्त्रीको प्रतिस्पर्धामा रहेका डिल्लीराम सुवेदीले १ हजार ८५१, देवेन्द्रराज कँडेलले १ हजार ३८२, राजिव ढुंगानाले १ हजार २४१, विकास कोइरालाले १ हजार १४९, अमृतकुमार अर्यालले १ हजार ३९, रमेशप्रसाद धमलाले ८२१ र विमलराज क्षेत्रीले २८२ मत पाए।
