बाँके । महान चाड बडा दशैं तथा श्री नवदुर्गा मूर्ति विसर्जनको अवसरमा समाजमा सद्भाव, भाइचार र मानवताको सन्देश प्रवाह गर्ने उद्देश्यले राजा खान बिङ ह्युम्यान संस्थाले फलफुल तथा पानी वितरण कार्यक्रम सम्पन्न गरेको छ।
कार्यक्रममा संस्थाका अध्यक्ष मोहम्मद अरसद सेख, उपाध्यक्ष सदाब खान, सचिव मोहम्मद रासिद सेखलगायत पदाधिकारी र स्वयंसेवकहरूको उल्लेखनीय उपस्थिति रहेको थियो। अध्यक्ष अरसद सेखले कार्यक्रममा बोल्दै, “मानव सेवा नै ठूलो धर्म हो। साना–साना प्रयासहरूले पनि समाजमा ठूलो प्रेरणा दिन सक्छन्,” भन्दै यस्ता सामाजिक कार्यलाई निरन्तरता दिने प्रतिबद्धता व्यक्त गर्नुभयो।
युवाहरू नन्दनी सिंह, कृष्ण गुप्ता, हिमा सुनार, प्रज्वल भण्डारी, नन्दिता सुनार, रोहन गिरी, सुशान्त र निरा ठाकुरीलगायतले सक्रिय योगदान दिएका थिए। उनीहरूले यस्ता समाजसेवी गतिविधिले धार्मिक तथा सांस्कृतिक उत्सवलाई मात्र उजागर नगरी सम्पूर्ण समुदायलाई एकताको डोरीमा बाँध्ने उल्लेख गर्दै, समाजमा आपसी सद्भावलाई बलियो बनाउन सघाउने बताए।
कार्यक्रमको क्रममा वितरण गरिएको फलफुल र पानीले स्थानीय बासिन्दा र उपस्थित सहभागीहरूमा खुसी छरेको थियो। यसले धार्मिक पर्वलाई मात्र नभई सामाजिक उत्तरदायित्व र मानव सेवाको उदाहरण प्रस्तुत गरेको भन्दै स्थानीय समुदायले उच्च प्रशंसा गरेको छ।
राजा खान बिङ ह्युम्यान संस्थाले आगामी दिनमा अझ बढी समाजसेवी पहल र समुदायको सक्रिय सहभागितासहित यस्ता कार्यक्रमलाई निरन्तरता दिने जनाएको छ।
समग्रमा, यस कार्यक्रमले “धार्मिक–सांस्कृतिक पर्वसँगै मानवता, भाइचार र सामाजिक सद्भावलाई जोड्ने प्रेरणा” प्रवाह गरेको छ। 
