बाँके । नेकपा माओवादी केन्द्रकी नेतृ कृष्णा केसी नमुना लुम्बिनी प्रदेशको सांसदमा पुनः निर्वाचित भएकी छन् । बाँकेको प्रदेश सभा १ (क) बाट उनी १ हजार १ सय ३७ मतको अन्तरले निर्वाचित भएकी हुन् ।
नमुनाले ९१०३ मत प्राप्त गरिन् । उनका निकटतम प्रतिस्पर्धी नागरिक उन्मुक्ती पार्टीका सोमराज चौधरीले ७९६६ मत प्राप्त गरे । यस्तै तेस्रो स्थानमा आएका राप्रपाका नरेन्द्र कुमार पौडेलले ७२५८ मत ल्याएका छन् । यसैगरी जनता समाजवादी पार्टी (जसपा)का अम्बरबहादुर खड्काले ३७०६ मत ल्याएका छन् ।
स्वतन्त्र उम्मेदजार तीर्थराज डाँगीले २४८९ मत प्राप्त गरे । माओवादी नेतृ नमुना यसअघि २०७४ सालको निर्वाचनमा पनि सोही प्रदेश सभा क्षेत्रबाट लुम्बिनी प्रदेशको सांसदमा निर्वाचित भएकी थिइन् ।
