नेपालगन्ज । नेपाल उद्योग व्यापार महासंघको स्थापना दिवसको अवसरमा भेरी अस्पताल परिसरको सरसफाई गरिएको छ । महासंघको स्थापना दिवसको अवसरमा पश्चिम नेपाल कै ठुलो भेरी अस्पताल नेपालगन्जमा सरसफाई तथा विरामीहरुलाई फलफुल बितरण गर्नका लागि अस्पताल विकास समितिलाई नगद १० हजार १ सय रुपैयाँ सहयोग गरिएको आयोजकले जनाएको छ ।
भेरी अस्पताल विकास समिति नेपालगन्ज अध्यक्ष विरेन्द्र शाहको प्रमुख आतिथ्यतामा भएको फलफुल वितरणका लागि नगद रुपैयाँ तथा सरसफाई कार्यक्रमको अध्यक्षता नेपाल उद्योग व्यापार महासंघ नेपालगन्जका अध्यक्ष तेज प्रसाद रेग्मीले गर्नुभएको थियो ।
नेपाल उद्योग व्यापार महासंघ लुम्बिनी प्रदेशका सहसचिव अक्कल बहादुर बम, मेडिकल सुपरिडेन्टेण्ट डाक्टर बद्रि चापागाई, नागरिक समाज, बुद्धिजिवी, समाजसेवी, राजनीतिकर्मी, पत्रकार लगायतको सहभागिता रहेको कार्यक्रमको संचालन महासचिव दशरथ चन्दले गर्नुभएको थियो ।
