नरैनापुर । १९ औं महिला सामुदायिक स्वास्थ्य स्वयंसेविका दिवस नरैनापुरमा मनाइएको छ । नरैनापुर गाउँपालिका स्वास्थ्य शाखाको आयोजनामा १९ औं महिला समुदायिक स्वास्थ्य स्वयंसेविका दिवस मनाइएको हो ।
कार्यक्रममा बोल्दै स्वास्थ्य शाखा प्रमुख नगेन्द्र कुमार शाहले महिला स्वास्थ्य स्वयंसेविकाको भूमिका समाजमा सकारात्मक रहेको बताउनुभयो । उहाँले स्वास्थ्य स्वयंसेविकाहरुले समुदायमा ठूलो भूमिका खेलेको बताउँदै महिला तथा बालबालिकाको क्षेत्रमा पनि उल्लेखनीय योगदान दिदै आएको बताउनु भएको थियो ।
शाहले स्वास्थ्य स्वयंसेविकाहरुका समस्याहरुको समाधान गर्न आफू प्रतिबद्ध रहेको बताउनुभयो ।कार्यक्रममा ६ वटै स्वास्थ्य संस्थाका इन्चार्ज, स्वयंसेविकाकाको सहभागिता रहेको थियो । स्वास्थ्य शाखाले पालिकामा काम गरिरहेका स्वयंसेविकाकाहरुलाई सम्मान गरेको थियो ।
