सल्यान । नेकपाका तर्फबाट सल्यानबाट निर्वाचित प्रतिनिधि सभा सदस्य रमेश कुमार मल्ल ले मतदाताहरूप्रति आभार व्यक्त गरेका छन्।
आइतबार सल्यान खलंगामा स्वःस्फूर्त रूपमा भेला भएका पार्टी नेता–कार्यकर्ता, शुभेच्छुक र आफन्तजनका बीच उनले सल्यानी मतदातालाई धन्यवाद दिएका हुन्।
उनले फागुन २१ गते सम्पन्न निर्वाचन विशिष्ट परिस्थिति र घटनाक्रमको उपज भएको उल्लेख गर्दै सल्यानी मतदाताको बलियो विश्वास र पार्टी नेता–कार्यकर्ताको मेहनतले जिल्लामा सफलता हासिल भएको बताए। यसलाई उनले जित–हारको रूपमा नभई सल्यानप्रति थपिएको जिम्मेवारी र जनताको विश्वासको रूपमा लिएको बताएका छन्।
मल्लले यो अवस्थामा जिल्लाभित्र विजय र्याली, जुलुस, भोजभतेर तथा अबिर जात्रा नगर्न हार्दिक अनुरोध गरेका छन्। तर, सल्यानी मतदाताहरूसँग धन्यवाद व्यक्त गर्न पार्टी र जनप्रतिनिधिको तर्फबाट गाउँ–बस्तीमा पुग्ने प्रतिबद्धता व्यक्त गरेका छन्।
उनले सबैलाई सहयोग र सद्भावका लागि धन्यवाद दिँदै आगामी दिनमा जिल्लाको विकास र जनताको हितमा काम गर्ने प्रतिवद्धता दोहोर्याएका छन्।
