काठमाडौँ। प्रतिनिधि सभा सदस्य महावीर पुनले आफू राजनीतिज्ञ नभएको बताएका छन्।
बिहीबार प्रतिनिधि सभाको बैठकमा सम्बोधन गर्दै उनले आफू समाजसेवीको दृष्टिले कार्य गर्ने बताए। उनले आफ्नो भूमिका पक्ष वा विपक्षमा नभई निष्पक्ष हुने जानकारी पनि दिएका छन्।
‘म एउटा अचम्मको सांसदको रूपमा आएको छु, म फरक छु, बोल्ने काम गर्ने कुरा पनि फरक छ। म यो ठाउँमा आउनै नपर्ने मान्छे हुँ,’ पुनले भने।
उनले आफू चुनावमा नलड्ने अवस्था हुँदाहुँदै पनि चुनाव लडेको जानकारी दिएका छन्। जेन जेड आन्दोलनपछि किताब बेच्ने क्रममा शिक्षा क्षेत्रमा काम गर्दै शिक्षामन्त्री बनेको स्मरण गर्दै उनले नियमावली र अध्यादेशमार्फत सुधारका लागि प्रयास गर्दा असफल भएपछि मन्त्रीबाट राजीनामा दिएर चुनाव लडेको बताए।
