बाँके । बाँकेको खजुरामा स्व. राजा बिरेन्द्र वीर बिक्रम शाहको जन्मजयन्ती मनाइएको छ । आज साँझ खजुरा वडा नम्बर ३ स्थित अन्नपूर्ण राइस मिल चोकमा स्व. राजा बिरेन्द्रको धुमधामका साथ ७७औं जन्मजयन्ती मनाइएको हो ।
बिरेन्द्रको तस्बिरमा मैनबत्ती बाल्दै राप्रपा खजुरा गाउँपालिकाका अध्यक्ष श्याम श्रेष्ठले जन्मजयन्ती कार्यक्रमको उद्घाटन गरेका हुन् ।
खजुरा गाउँपालिका कमिटीद्वारा आयोजित जन्मजयन्ती कार्यक्रममा उपस्थित सयौं देशभक्त नागरिकहरुले मैनबत्ती बालेर जन्मजयन्ती मनाएका हुन् । कार्यक्रममा स्व. राजा बिरेन्द्रको सम्झना गर्दै राप्रपा खजुराका युवा नेता सुधीर शुक्लाले आँखाबाट आँशु झार्दै राजा आउ देश बचाऊको नारा समेत लगाएका थिए ।
