बाँके । राजश्व अनुसन्धान कार्यालयका कर्मचारी माथि आक्रमण गर्ने नेपालगन्ज उद्योग वाणिज्य संघका प्रवक्ता टंकप्रसाद धामी सहित झण्डै आधा दर्जन व्यक्तिहरुलाई पक्राउ गर्न पक्राउ पुर्जी जारी भएको छ ।
संघका प्रवक्ता टंक प्रसाद धामी सहित झण्डै आधा दर्जन आक्रमणकारीहरु विरुद्ध ‘राष्ट्रसेवक कर्मचारी विरुद्ध दुव्र्यवहार गरेको’ उजुरी सहित कानुनी कारवाहीमा राजश्व अनुसन्धान कार्यालय कोहलपुरका कर्मचारीले किटानी जाहेरी दिए पछि बाँके प्रहरीले पक्राऊ पुर्जी जारी गरेको हो ।
राजश्व अनुसन्धान कार्यालय कोहलपुरका नायब सुब्बा सहितका कर्मचारी घरबारीटोल स्थित एउटा पसलमा छापा मार्न गएका बेला धामी सहितका व्यापारीले आक्रमण गरेका थिए । ‘धामीको निर्देशनमा उनी सहित चार÷पाँच जनाले कर्मचारी पन्थीलाई दुव्र्यवहार गरेको उजुरी छ’, पक्राउ पूर्व आवश्यक अनुसन्धान सुरु गरिएको जानकारी दिंदै बाँके प्रहरी प्रमुख, प्रहरी उपरीक्षक श्यामकृष्ण अधिकारीले भने, ‘अनुसन्धानबाट ठहर हुनासाथ पक्राउ गरेर थप कानुनी कारवाही अगाडि बढाउँछौं ।’
कर्मचारीमाथि ‘ज्यान मार्ने उद्योग’ दाबी गरेका उजुरीकर्ताले जिल्ला प्रहरी कार्यालयमा उजुरी दर्ताका लागि समस्या देखिएपछि प्रमुख जिल्ला अधिकारीको निर्देशन खोजेका थिए । ‘अनुसन्धानबाट ठहर हुने अपराधका आधारमा कारवाही हुने गरी कानुनी प्रक्रिया अगाडि बढाउन’ प्रमुख जिल्ला अधिकारी सुर्य बहादुर खत्रीले निर्देशन दिएपछि प्रहरीले अनुसन्धान अगाडि बढाएको हो । ‘घटनालाई सामान्य मान्न सकिंदैन’ प्रजिअ खत्रीले भने, ‘प्रहरीले अनुसन्धान अगाडि बढाइसकेकाले ठहर भए बमोजिम कारवाही हुन्छ ।’
प्रवक्ता टंकप्रसाद धामीले आफ्नो पदिय मर्यादा भुलेर राष्ट्र सेवक कर्मचारी माथि आक्रमण गर्नु निन्दनीय भएको भन्दै तत्काल पक्राउ गरी कानुनी कारबाही गर्न जनस्तरबाट आवाज उठरको छ । राजेश्व अनुसन्धान कार्यालयले कुनै पनि बेला छापा मार्न सक्ने अवस्था हुँदा हुँदै पनि धामी अवैध व्यापार लुकाउने बहानामा कर्मचारी माथि आक्रमण गरेको एक जना स्थानीयले बताए ।
यता धामी माओवादी केन्द्रको नेता भएको बताउँदै आफुलाई पक्राउ नगर्न केन्द्रीय नेताहरुबाट दबाब दिन लगाए पनि नागरिक स्तरबाट समेत कारवाही गर्न दबाब आएकोले कानुन बमोजिम कारबाही गर्ने प्रहरीले कदम चालेको छ ।
