बाँके । जिल्लाको नरैनापुर गाउँपालिकाका निवर्तमान अध्यक्ष इस्तियाक अहमद शाहले गाउँपालिका अध्यक्षमा पुनः उम्मेदवारी दर्ता गरेका छन् । आसन्न स्थानीय तहको निर्वाचनका लागि मनोनय दर्ताको अन्तिम दिन सोमबार (हिजो) निर्वाचन अधिकृतको कार्यालय पुगेर शाहले पुनः गाउँपालिका अध्यक्षमा उम्मेदवारी दर्ता गराएका हुन् ।
उम्मेवारी दर्ता गरेसँगै शाहले भनेका छन्, ‘समृद्ध नरैनापुर गाउँपालिका बनाउने महाअभियानमा बाँकी रहेका जनताहरुको सपना र आकांक्षालाई पूरा गर्न, आम गाउँपालिकावासी जनताहरुको भावनालाई सम्मान गर्दै पुनः उभिएको छु एकपटक । विश्वास गर्नुस् विकास, निर्माण, जनसेवासहित सम्पूर्ण रुपमा आकर्षणको केन्द्र बन्दै उचो उभिनेछ नरैनापुर गाउँपालिका ! बाँकी काम र सेवाबाट ।’
गाउँपालिका अध्यक्षका लागि पुनः उम्मेदवारी दर्ता गराएका इस्तियाक अहमद शाह जनता समाजवादी पार्टीका केन्द्रीय समितिमा रहनु भएको छ । आफ्नो पाँच वर्षे कार्यकालमा गाउँपालिकाको समग्र (स्वास्थ्य, शिक्षा, यातायात, खेलकुद, सामाजिक, आर्थिक) बिकास र समृद्धिका लागि देखाएका सक्रियताका कारण चर्चित छन् ।
२०७४ सालको स्थानीय तहको निर्वाचनबाट पालिका अध्यक्षमा निर्वाचित भएसँगै शसहल पालिकाभर गरेका काम उदाहरणीय छन् । पालिकाभर निर्माणाधीन विभिन्न बिकास आयोजना र कामहरु सम्पन्न गर्नुका साथै नयाँ योजनाहरु कार्यन्वयन गर्दै समृद्ध नरैनापुरको सपना साकार गर्नका लागि गाउँपालिका अध्यक्षमा पुनः शाह निर्वाचित हुनु आवश्यक रहेको स्थानीयहरुको भनाइ छ ।
जानकारी अनुसार स्थानीय जनता र पार्टी कार्यकर्ताको दबाबका कारण शाहले पुनः अध्यक्षमा उम्मेदवारी दर्ता गराएका हुन् । त्यस्तै गाउँपालिको उपप्रमुखमा पनि निवर्तमान उपाध्यक्षमा जयन्ती देवी श्रीवास्तवले पनि पुनः उम्मेदवारी दर्ता गराउनु भएको छ । २०७४ को निर्वाचनमा जसपाबाट उपप्रमुखमा निर्वाचत सोही पार्टीबाट उम्मेदवारी दर्ता गराउनु भएको हो ।
