बाँके । बाँकेको जानकी गाउपालिकामा ट्याक्टर दुर्घटना हुँदा एक जनाको मृत्यु भएको छ । आइतवार साझा जानकी -३ इन्दरपुरमा ट्याक्टर दुर्घटना हुँदा एक जनाको मृत्यु भएको हो भने एक जना घाइते भएका छन् ।
जिल्ला प्रहरी कार्यालय बाँकेका अनुसार ट्याक्टर दुर्घटनामा परेर नेपालगञ्ज –१६ जैसपुरका अन्दाजी ३४ वर्षीय रफिक अन्सारीको मृत्यु भएको हो । अन्सारी ट्याक्टरमा मजदुरी गर्दै आउनु भएको थियो । घाइते टेक्याक्टर चालक भने फरार रहेको प्रहरीले जनाएको छ ।
नेपालगंज देखि करमोहना तर्फ जाँदै गरेको भे १ त ९८२६ नम्बरको ट्याक्टर दुर्घटना भएको प्रहरी उपरीक्षक तुलबहादुर कार्कीले बताउनु भयो । उहाँका अनुसार ट्याक्टरले सरिया लोड गरेर करमोहना जाने क्रममा अनियन्त्रित हुदाँ दुर्घटना भएको हो ।
