काठमाडौं । उपप्रधानमन्त्री एवं गृहमन्त्री नारायणकाजी श्रेष्ठ चीनबाट स्वदेश फर्किएका छन् । उनी आज (बुधबार) काठमाडौं आइपुगेका हुन् । बीआरआई सम्बन्धी कार्यक्रममा सहभागी हुन चीनको राजधानी बेइजिङ गएका बेला उनलाई हृदयाघात भएको थियो । हृदयाघातपछि अस्पताल भर्ना भएका श्रेष्ठ कात्तिक ६ गते डिस्चार्ज भएका थिए ।
बेइजिङस्थित पेकिङ युनियन मेडिकल कलेजमा अस्पतालमा पाँचदिने उपचारपश्चात स्वास्थ्य लाभ गरी गृहमन्त्ती श्रेष्ठ आज स्वदेश फर्किएको उनको सचिवालयले जनाएको छ । मन्त्री श्रेष्ठ कात्तिक ३ गते नै स्वदेश फर्किने तालिका रहेपनि बिरामी भएकाले पाँच दिनपछि आजमात्रै स्वदेश फर्किएका हुन् ।
