बाँके । नेपालगन्ज १० मा माओवादी केन्द्रका तर्फबाट अध्यक्षका उम्मेदवार धनबहादुर पुनले आफ्नो वडालाई नमुना वडा बनाउने प्रतिबद्धता व्यक्त गर्नु भएको छ । चुनावी प्रचारप्रसारको क्रममा आफ्नो वडाका जनता संग सो प्रतिबद्धता व्यक्त गर्नु भएको हो ।
उत्साहजनक घरदैलो अभियानमा जुटेका नेता कार्यकर्ताले अध्यक्षका उम्मेदवार पुनलाई साथ दिएका छन् । घरदैलो अभियानमा जनताले यसपटक माओवादी केन्द्र तर्फका उम्मेदवार पुनलाई नै मतदान गर्ने आश्वासन पाएको माओवादी केन्द्र बाँके जिल्ला समन्वय समिति सदस्य जया खड्काले बताउनु भयो । त्यस्तै प्रचारप्रसार, घरदैलोमा पाका बौद्धिक व्यक्तिको साथ रहेको पनि नेता खड्काले बताउनु भयो । जनताले यसपटक आफूहरुलाई साथ दिनेमा ढुक्क रहेको इन्चार्ज चन्द्र श्रेष्ठले बताउनु भयो ।
स्थानीय दिपेन्द्र विश्वकर्माले नेताहरुले निर्वाचनको समयमा आश्वासन र सपना मात्रै देखाउने र निर्वाचन जितेपछि पुरा नगर्ने गरेको दुःखेसो पोख्नुभयो । “हिजो पनि यो गर्छौं, यो सुविधा दिन्छाँै भनेर मत मागे, जितेर गएपछि खै हाम्रो लागि काम गरेको ?”, उहाँले प्रश्न गर्नुभयो । सडक र भवन बनाउनेबाहेक जनताको दैनिकीमा आएका समस्यामा स्थानीय सरकारले काम नगरेको आरोप लगाउदै अबको निर्वाचनमा राष्टसेवक भएर काम गरी सकेका पुनलाई जिताउने बताए । पुनले सार्वजानिक गरेका प्रतिबद्धता जनता मैत्री रहेको मतदाताहरुले समेत पुनलाई साथ दिने विश्वास व्यक्त गरेका थिए ।
