काठमाडौं । भारतीय फुटबल टिमका सहायक प्रशिक्षक शानमुगम वेंकटेशले नेपाललाई हराउन कठिन भएको बताएका छन् । साफ च्याम्पियनसिप २०२१ को फाइनलअघि आयोजिन प्रेस कन्फरेन्समा उनले नेपाल कडा प्रतिस्पर्धी भएकाले फाइनल खेल सहज नहुने बताएका हुन् ।
भारतका मुख्य प्रशिक्षक इगोर स्टिमेक प्रतिबन्धमा परेपछि सहायक प्रशिक्षक वेंकटेश शुक्रबारको प्रि–म्याच कन्फरेन्समा सहभागि भएका थिए । ‘फाइनल प्रवेश गरेकोमा असाध्यै खुसी छौँ । केवल एक खेल बाँकी छ र खेलाडीहरू तयार तथा सकारात्मक छन्,’ उनले भने, ‘नेपालले समूह चरणमा राम्रो नजिता निकालेको थियो । उसको पुरै टिममा आत्मविश्वास र उत्प्रेरणा छ । शनिबारको खेल कठिन हुनेछ ।’
स्टिमाचले माल्दिभ्सविरुद्धको खेलमा दुई पहेंलो कार्ड पाएका थिए । साफ च्याम्पियनसिप २०२१ को फाइनल नेपाली समयअनुसार शनिबार राति ८ः४५ मा हुनेछ ।
