काठमाडौं । नेपालकी अल्ट्रा धाविका रशिला तामाङले इन्डोनेसियामा भएको एसिया ट्रेल मास्टर (एटिएम) २०२३ को उपाधि जितेकी छन् ।
रशिलाले ७७ किलोमिटरको निर्धारित दूरी १२ घण्टा २५ मिनेट ५२ सेकेण्डमा पूरा गर्दै उपाधि जितेकी हुन् । यो दौड जित्ने रशिला पहिलो नेपाली धाविका समेत हुन् ।
बेल्जियमकी भान्जा कनोप्सले निर्धारित दुरी १२ घन्टा ३२ मिनेट १६ सेकेन्डमा पुरा गर्दै दोस्रो हुँदा फिलिपिन्सकी एन्जेली काबालो तेस्रो भइन् । उनले निर्धारित दुरी १४ घन्टा ३ मिनेट ३७ सेकेन्डमा पूरा गरिन् ।
गत महिना मलेसियामा भएको दि नर्थ फेस मलेसिया माउन्टेन ट्रेल फेस्टिबल २०२३ मा रशिला दोस्रो भएकी थिइन् ।
