बाँके । दोस्रो चरणको स्थानीय चरणको चुनावको तिथि नजिकिँदै जाँदा उम्मदेवारहरु मतदाताका घरदैलो चाहारिरहेका छन् ।
अहिले स्थानीय चुनावमा पनि नेताहरु जनताको घर दैलोसम्म दौडिइरहेका छन् । नेपालगञ्ज उपमहानगरपालिका वडा नं १९ को वडा अध्यक्ष पदमा माओवादीबाट उम्मदेवार बनेका शम्भु नाथ योगीको पक्षमा बुधबार सुर्जि गाउँमा जनलहर उर्लिएको छ ।
स्थानीय चुनावको प्रतिस्पर्धामा उत्रिएका नेपालगञ्ज १९ का अध्यक्ष पदका उम्मेदवार माओवादी नेता शम्भु नाथ योगीको पक्षमा एक प्रकारको जनलहर देखिएपछि अन्य दलको निन्द्रा हराम भएको छ ।
अध्यक्ष पदका उम्मेदवार योगीले जनताको भावना अनुसार काम गर्ने बताए पछि जनताले साथ दिने प्रतिबद्धता जनाएका छन् । कुनै पनि कंलक नलागेका योगीको प्यानललाई बिजय गराउन जनताको उत्साहले गाउँ गाउँ माओवादीमय बन्दै गएको इन्चार्ज मिना मल्ल पुनले जानकारी दिनु भयो ।
माओवादी प्रतिको जनलहरले केहि दलका नेता सुत्न छाडेको पुनले बताउनुभयो । नेतृ पुनले नेपालगञ्ज १९ मा इतिहासमा नभएको क्रान्तिकारी परिवर्तन माओवादीको शासनकालमा भएको बताउनुभयो । स्थानीय निर्वाचनमा माओवादीले जिते जनतालाई कुनै प्रकारको दुख नहुने गरी काम गर्ने इन्चार्ज पुनले प्रतिबद्धता जनाउनुभयो ।
