बाँके । नेपाल निजामती कर्मचारी संगठन,नरैनापुर कार्य समितिको दोस्रो पालिका अधिवेशन सम्पन्न भएको छ । सो पालिका अधिवेशनबाट लक्ष्मीकान्त मिश्राको अध्यक्षतामा ११ सदस्यीय नयाँ कार्यसमिति चयन गरिएको छ ।
संगठनको दोस्रो पालिका अधिवेशनबाट मिश्रा पुनः दोस्रो कार्यकालका लागि सर्वसम्मत रूपमा अध्यक्ष चयन भएका हुन । सो कमिटीको पादाधिकारीहरुमा उपाध्यक्ष जीवन लाल यादव, सचिव विनोद चौधरी, कोषाध्यक्ष कमल केसि चयन भएका छन ।
यसैगरी सदस्यहरुमा हुश्न बानो, घनश्याम थारू, मनबहादुर थापा, अब्दुल हकिम गुजर, टेकबहादुर धोबी, अफरोज खाँ, राम निवास बाहुन चयन भएका छन् ।
सो पालिका अधिवेशन नेकपा एमाले सचिवालय सदस्य, तथा पेशागत महासङ इन्चार्ज कृष्ण कुमार थापा प्रमुख आतिथ्यतामा सम्पन्न भएको कार्यक्रममा नेपाल निजामति कर्मचारी सङ्गठन जिल्ला कार्यसमिति बाँके अध्यक्ष देबिलाल चौलागाई केन्द्रीय सद्स्य गणेश रिजाल लगायत नरैनापुरका करिब ८० जना कर्मचारीको उपस्थितिमा दोस्रो अधिबेशनबाट नरैनापुर पालिका कमिटी गठन भएको कार्यक्रम सन्चालन सदन भन्डारीले गरेका थिए ।
नेपाल निजामति कर्मचारी पालिका कमिटी नरैनापुरको ११ सदस्स्यि रहने र कार्यकाल ३ बर्ष हुने बताईएको छ ।
