बाँके । प्रेस सेन्टर नेपालको २१ औँ स्थापना दिवसको अवसरमा आयोजित स्वास्थ्य शिविरमा ५० जना पत्रकारले स्वास्थ्य जाँच गराएका छन् ।
नेपालगन्जस्थित असल छिमेकी सामुदायिक स्वास्थ्य केन्द्रको सहयोगमा भएको उक्त शिविरमा पत्रकारहरुले स्वास्थ्य परिक्षण गराएको असल छिमेकी सामुदायिक स्वास्थ्य केन्द्रका प्रमुख डा. प्रकाश बसेलले बताउनुभयो ।
समाज रुपान्तरणको क्षेत्रमा कलम चलाउने पत्रकारहरुको स्वास्थ्यमाथि ध्यान दिँदै मंगलबार नि:शुल्क स्वास्थ्य परीक्षण गरेको हो ।
डा. बसेलले डाक्टरले बिरामी जाँच्ने र पत्रकारले सचेतनता फैलाउने हुँदा पत्रकारहरु पनि स्वस्थ हुनुुपर्छ भन्ने उद्देश्य रहेको बताउनु भयो । उहाँले ‘ पत्रकार र चिकित्सकको उद्देश्य लगभग उस्तै हुन्छ,’ बसेलले भन्नुभयो,‘समाजमा सूचना प्रवाह गर्ने पत्रकारहरु पनि स्वस्थ हुनुपर्छ भन्ने ठानेर नै पत्रकारहरुको स्वास्थ्य जाँच गरिएको हो ।’
असल छिमेकीले विगत केही वर्ष यता गाउँ बस्तीमा पुगेर नि:शुल्क स्वास्थ्य परीक्षण गर्दै आएको छ ।
स्वास्थ्य परीक्षणसँगै डा. बसेलले नाक, कान र घाँटीको कारक तत्व र बच्ने उपायका बारेमा पत्रकारहरुलाई अभिमुुखीकरण समेत गर्नु भएको थियो ।
सो शिविरमा स्वास्थ्य केन्द्रका कर्मचारी रितु पाण्डे, सबिना चौधरी, ललितराम थारु, सरिता महर्जन राजेन्द्र बर्मा, पार्वति पौडेल , रोहन चौधरीष रुबेन चौधरी लगायत प्रेस युनियनको अध्यक्ष प्रिय स्मृति ढकाल, प्रेस चौतारीका बाँकेका अध्यक्ष कमल डाँगी,प्रेस सेन्टर नेपाल बाँकेका अध्यक्ष चन्द बोहरा, सचिव पुष्पराज हमाल, प्रदेश उपाध्यक्ष प्रदिप बाग्ले लगायतको सहभागिता रहेको थियो ।
