बाँके । बाँकेको नेपालगन्ज उपमहानगरपालिका वडा नं १७ का वडाध्यक्ष पदका उम्मेदवार अजयकुमार पाठकको उम्मेदवारी रद्द भएको छ । उहाँले मनोनयन हुनुअघि मात्रै नेकपा (माओवादी केन्द्र) छाडेर नेकपा (एमाले) प्रवेश गर्नुभएको थियो ।
एमालेको तर्फबाट मनोनयन गर्नुभएका पाठकलाई बैंकले कालोसूचीमा राखेका कारण उम्मेदवारी रद्द भएको मुख्य निर्वाचन अधिकृत कार्यालय नेपालगन्जका प्रमुख निर्वाचन अधिकृत खडानन्द तिवारीले जानकारी दिनुभयो ।
यसै गरी नेपालगञ्ज ३ र ७ कि दलित वडा सदस्यको पनि मनोनयन दर्ता रद्द गरिएको जनाएको छ । दुबै जना दलित महिला सदस्यले दलित भएको निश्सा नदिएको कारणले उम्मेदवारी रद्द भएको निर्वाचन अधिकृतको कार्यालयले जनाएको छ
