बाँके । अमेरिकी सहयोग मिलेनियम च्यालेन्ज कर्पोरेशन (एमसीसी) संसदमा पेस भएसँगै राप्रपाले सुरुको बिरोध प्रदर्शन उग्र बन्दै गएको छ । 
आज बिहिबार बिहान १२ बजेदेखि नै राप्रपा निकट युवा संगठनको नेतृत्वमा नेपालगञ्जमा प्रदर्शन गरिएको छ । एमसीसी सम्झौता पेस भएपछि आन्दोलन झनै उग्र भएको छ ।
बिहीबार प्रतिनिधिसभाको बैठक शुरु हुनु अघि एमसीसीको विरोधमा देशभर आन्दोलन शुरु भएको छ ।
संसदमा एमसीसीका विषयमा छलफल हुने भएपछि सयौं संख्यामा युवाहरु नेपालगञ्जको बिपि चोकमा जम्मा भएर विरोध गरेका छन् । बिरोध प्रदर्शनका कारण नेपालगञ्जमा केहि बेर यातायात ठप्प भएको थियो ।
बाँकेमा राप्रपा युवा संगठनले एमसीसीको बिरोधमा आन्दोलनकारीहरुले एमसीसी खारेज गर लगायतका नारा लगाएर प्रदर्शन गरेको राप्रपाका युवा नेता मोहम्मद सफिक बेहनाले जानकारी दिनुभयो । प्रदर्शनमा राप्रपा नेत्री इन्दिरा शाही, युवा नेता रबि बर्मा, कैफुल वरा जोलहा, पिंकी शाह लगयातले प्रदर्शनको नेतृत्व गर्नु भएको थियो ।
