बाँके । बाँकेको जमुनाह नाका हुँदै भारतबाट नेपाल प्रवेश गर्ने नागरिकमा कोरोना संक्रमण देखिन थालेका छ ।
शनिबार भारतबाट नेपाल प्रवेश गर्नका लागेका ३२९ जनामा ऐन्टिजिन परिक्षण गर्दा ४७ जनामा कोरोना पुष्टि भएको थियो ।
नेपालगञ्ज उपमहानगरपालिकाले सीमानाका जमुनाह हुँदै भारतबाट नेपाल प्रवेश गर्नेको कोरोना परीक्षण गर्दै आएको छ ।
जमुनाह नाका हेल्थ डेस्कका सिअनमि निरिक्षक गिता शाहीले भारतबाट नेपाल आएका ४७ जनामा कोरोना संक्रमण देखिएको बताए । उहाँले भन्नुभयो नाकामा काम गर्ने स्वास्थ्यकर्मीहरुलाई कोरोना संक्रमण पुष्टि भए पछि नाकामा स्वास्थ्यकर्मीको अभाव रहेको बताउनु भयो ।
जमुनाह नाकामा शनिबार पुगेका लुम्बिनी प्रदेशका आन्तरीक मामिला तथा संचारमन्त्री तिलकराम शर्माले स्वास्थ्यकर्मीलाई हौसला दिए भने सहायक प्रमुख जिल्ला अधिकारी र प्रहरी नायब उपरीक्षकलाई बाँकेका नाकाहरुमा कडाई गर्न निर्देशन दिनु भयो ।
उहाँले हेल्थ डेस्कमा बस्ने स्वास्थ्यकर्मीहरुलाई कुनै समस्या भए आफुलाई फोन मार्फत जानकारी गराउन आग्रह गर्दै जोखिम भत्ताको तत्काल व्यवस्था गर्ने प्रतिबद्धता जनाउनुभयो । उहाँले नाकामा प्रवेश गर्नेहरुको परिक्षण नगराई कसैलाई आवत जावत गर्न नदिन भन्दै निर्देशन दिनु भएको थियो ।
