बाँके । प्रथम बैजनाथ महोत्सवमा आज हजारौं दर्शकले महोत्सवको अवलोकन गरेका छन् । प्रथम बैजनाथ महोत्सवको आठौँ दिन आजमात्रै करिव भन्दा वढि दर्शकले महोत्सव अवलोकन गरेको आयोजकले जनाएको छ ।
आजको भीड अहिलेसम्मकै अत्याधिक रहेको महोत्सवका संयोजक सुमन विश्वकर्माले जानकारी दिए । गायिका ज्योति मगरलाई हेर्न हजारौंको उपस्थिती रहेको थियो । अपराह्न्न ज्योति मगरले आफ्नो प्रस्तुती मार्फत दर्शकहरुलाई भरपुर मनोरञ्जन प्रदान गरेकी हुन ।
आज चर्चित गायिक ज्योति मगर र गायक टंक तिमेल्सिनाको प्रस्तुती रहेको थियो ।
मनोरञ्जन दिलाएकोमा साँझपख ज्योति मगरको प्रस्तुतीमा दर्शकहरुले झनै मनोरञ्जन लिए । ज्योति मगरले करिव एक दर्जन गीत प्रस्तुत गर्दा महोत्सवको भीड उत्तेजित समेत वन्न पुग्यो । ज्योति मगरको प्रस्तुती र उनलाई हेर्नकै लागि आफुहरु आएको कतिपयले बताएका थिए ।
अन्य लोकदोहोरी कलाकार भन्दा फरक शैलीमा स्टेजमा प्रस्तुत हुने ज्योती मगरले विशेष गरी युवाहरुलाई केन्द्रित गरी आफ्नो प्रस्तुती प्रस्तुत गर्दा महोत्सव स्थलमा युवाहरुको जमात उल्लेख्य मात्रामा देखिन्थे ।
झण्डै आधा दर्जन गीतहरु मार्फत १ घण्टा प्रस्तुती राखेकी मगरको प्रस्तुतीले अन्य दिनमा भन्दा लोकदोहोरी कार्यक्रमको समयलाई पछाडि सारेको थियो ।
ज्योति मगरकै कारण महोत्सवमा सहभागी दर्शकहरु महोत्सव स्थलमा उत्साहितका साथ युवायुवतीको उल्लेखनीय उपस्थित थिए । गायिका ज्योतिले लोक दोहोरी मार्फत पनि दर्शकलाई मनोरञ्जन प्रदान गरिन् ।
