काठमाडौं । उपप्रधान तथा गृहमन्त्री नारायणकाजी श्रेष्ठलाई सांसदले राजीनामा दिन सुझाव दिएका छन् । सांसद राजेन्द्र राईले गृहमन्त्री श्रेष्ठलाई नैतिकताको आधारमा राजीनामा दिन सुझाव दिएका हुन् ।
उनले भने, ‘मेरो भिन्न कुरा छ । यो घटना के घट्यो कसरी घट्यो भन्ने दुनियाँले देख्यो । समिति पनि बनाउनुभयो । तपाईं राजीनामा दिनुस् । छानबिन र तलका मानिसलाई कारबाही पनि गरियो । तपाई शालीन व्यक्ति, अव तपाई राजीनामा दिनुस् ।’
गृहमन्त्री श्रेष्ठले राजीनामा दिएपछि समस्या समाधान हुने उनले बताए । ‘ठाउँका ठाउँ गोली हानेर मार्न कहाँ मिल्छ । तपाईंले मुलुक चलाउन सक्नुभएन । सबैतिर असन्तुष्टि छ । त्यसैले तपाईं राजीनामा दिनुस्,’ सांसद राईले भने ।
