एजेन्सी । चीन सरकारले कोरोना भाइरस संक्रमितको संख्या बढेको भन्दै लकडाउनको घोषणा गरेको छ । सरकारले गान्सु प्रान्तको ४० लाख जनसंख्या भएको सहर लान्झोउमा मंगलबारदेखि लकडाउन गरेको हो ।
मानिसहरुलाई अत्यावश्यक कामका लागि मात्र बाहिर निस्किन निर्देशन दिइएको छ। सोमबार चीनमा २९ नयाँ संक्रमित थपिएका थिए। नयाँ संक्रमितमध्ये ६ जना लान्झोउमा भेटिएका थिए। कोरोना संक्रमण नियन्त्रणको लागि भन्दै चीनले लान्झोउ प्रवेश गर्ने र बाहिरिने सबै मार्ग बन्द गरिएको छ।
यसअघि पनि चीनले कोरोना संक्रमण फैलिन नदिन लकडाउन गरिसकेको छ। चीनमा पछिल्लो समय फैलिएको कोरोना संक्रमणलाई डेल्टा भेरियन्टसँग जोडेर हेरिएको छ।
