बाँके । राष्ट्रका लागि खेलकुद स्वास्थ्यका लागि खेलकुद भन्ने नाराका साथ बाँकेको राप्ती सोनारी गाउँपालिकामा प्रथम उपाध्यक्ष कप कराँते प्रतियोगित सुरु भएको छ । आजबाट सुरु भएको प्रतियोगिताको गाउँपालिका अध्यक्ष तप्त पौडेलले उद्घाटन गर्नुभएको थियो ।
राप्ती सोनारी गाउँपालिकाको आर्थिक सहयोग तथा पालिका स्तरीय खेलकुुद विकास समितिको आयोजनामा सुरु भएको प्रतियोगिताको उद्धघाटन गर्दै अध्यक्ष पौडेलले अनुुशासन, निरन्तरता र साहसले मात्रै खेलमा सफलता प्राप्त गर्न सकिने बताउनुभयो । अध्यक्ष पौडेलले खेलकुदको क्षेत्रमा विगत देखि राप्ती सोनारीले राष्ट्रिय तथा अन्तर्राष्ट्रिय स्तरमा नाम राख्न सफल भएको भन्दै खेल बिकासका लागि पालिका हरदम तयार रहेको जिकिर गर्नु भएको थियो । 
खेलकुद क्षेत्रमा आफ्नो पदबाट पहिलो पटक खेलको आयोजना भएकोमा खुसी व्यक्त गर्दै राप्ती सोनारि गाउँपालिका उपाध्यक्ष मनिषा सिंह थारुले आगामी दिनमा झनै बृहत बनायर लैजाने बताउनु भयो । उहाँले भन्नुभयो, ८ वटा विद्यालयका गरि १३४ जना खेलाडीहरुको सहभागीता देखेर मन हर्षित भएको उल्लेख गर्नु भयो । 
खेलकुद विकास समितीका अध्यक्ष तेज बहादुर सुवेदीले सबैको साथ सहयोग पाए छोटो समयमा खेलकुदमा राप्ती सोनारीले परिणाम मुखी नतिजा निकालेर देखाउने विश्वास व्यक्त गर्नु भएको थियो । कार्यक्रममा जापान गोजुरियो कराँते डो मिसन संघ नेपालका लुम्बिनी प्रदेशका पदाधिकारी, प्रशिक्षक भक्त बहादुर राना, नेपाल पत्रकार महासंघका सहसचिव हेमन्त चौधरी,वडा अध्यक्षहरु, खेलाडी प्रशिक्षकहरुको सहभागीता रहेको छ ।
