बाँके । नेपालगञ्ज उपमहानगरपालिका वडा नं ७ का समिर खानले २१ वर्षकै उमेरमा वडा सदस्यमा उम्मेदवारी दिनुभएको छ।
वैशाख ३० गते हुने स्थानीय निर्वाचनका लागि उहाँले एमालेका तर्फबाट नेपालगञ्ज उपमहानगरपालिका–७ को वडा सदस्यका लागि उम्मेदवारी दर्ता गराउनुभएको हो।
खुला सदस्यको रुपमा उम्मेदवारी दर्ता गराउनुभएको हो । पिछडिएको समुदायका लागि केही गर्नसक्छु भनेर उम्मेदवारी दिएको समिर खानले बताउनु भयो। उहाँले पार्टीले आफूलाई उम्मेदवार बनाएकोमा धन्यवादसमेत दिनु भएको छ। ‘पार्टीले मलाई विश्वास गरेर उम्मेदवार बनाएको छ, यो आम युवाप्रतिको विश्वास हो, म यो विश्वासलाई टुट्न दिने छैन’, उहाँले भन्नुभयो।
विकासमा युवाको भूमिका महत्वपूर्ण रहने उहाँको भनाइ छ। मतदाताले निर्वाचित गराएको खण्डमा वडालाई नमुना बनाउने अभियानमा लाग्ने बताउनुभयो ।
