नेपालगन्ज । खजुरा युवा क्लबको आयोजनामा असोज ३ गते देखी खजुरामा 'सहिद सेतु बिक स्मृति कप २०७९' खुल्ला फुटबल प्रतियोगिता संचालन हुने भएको छ ।
संबिधान दिवसको अवसर पारेर दोस्रो जन आन्दोलनमा सहादत प्राप्त शहिद सेतु बि.क.को समझनामा प्रतियोगिता आयोजना गर्न लागिएको हो ।
खजुरा युवा क्लबको आयोजनामा खजुराको श्री कालिका मन्दिरको खेलमैदानमा प्रतियोगिता आयोजना हुन लागेको क्लबका अध्यक्ष राजु कोइरालाले जानकारी गराएका छन् ।
प्रतियोगितामा प्रथम पुरस्कार ५१ हजार नगद, ट्रफि, मेडल र प्रमाणपत्र प्रदान गरिने छ भने, द्वितीय पुरस्कार २५ हजार पाँच सय नगद, ट्रफि, मेडल र प्रमाण पत्र, तृतीय पुरस्कार ट्रफि, मेडल र प्रमाण पत्र रहेको क्लबका सचिव उत्सव सिजाली मगरले बताएका छन् ।
साथै प्रतियोगिताको उत्कृष्ट खेलाडि, उत्कृष्ट गोलरक्षक र बढि गोल गर्नेहरुलाई २५ सय नगद, ट्रफि, मेडल र प्रमाणपत्र प्रदान गरिमे छ ।
उक्त खेलको दर्ता शुल्क ३१ सय रहेको छ । प्रतियोगिताको सम्पुर्ण खेलहरु श्री कालिका मन्दिरको खेलमैदान (जेनिथ इ.बोर्डिङ स्कुल को छेउ) मा खेलाइने आयोजकले जनाएको छ ।
