काठमाडौँ । १७ औं संघीय संसद दिवस २०८० का अवसरमा सिंहदरबारमा रक्तदान कार्यक्रमको आयोजना गरिएको छ ।
संघीय संसद सचिवालयले आयोजना गरेको रक्तदान कार्यक्रमको प्रतिनिधिसभाको उद्योग तथा वाणिज्य र श्रम तथा उपभोक्ता हित समितिका सभापति अब्दुल खानले रक्तदान गरे । उनले देशमा रगतको अभाव हुदैँ गएकोले संघीय संसद सचिवालयको आयोजनामा भएको रक्तदानको निकै ठूलो महत्व रहेको बताए । 
संघीय संसद दिवसका कार्यक्रमहरु निकै राम्रोसँग अघि बढिरहेको भन्दै उनले सबै कार्यक्रमको सफलताको शुभकामना व्यक्त गरे ।
प्रतिनिधिसभाका सभामुख देवराज घिमिरे, राष्ट्रियसभाका अध्यक्ष गणेशप्रसाद तिमिल्सिनाले ५०औँ पटक रक्तदान गर्ने सचिवालयका उपसचिव सञ्जय दाहाललाई रगत सङ्कलन गर्ने झोला हस्तान्तरण गरेर कार्यक्रमको उद्घाटन गरेका थिए।
संघिय संसद दिवसको अवसरमा प्रतिनिधिसभाको उद्योग तथा वाणिज्य र श्रम तथा उपभोक्ता हित समितिका सभापति अब्दुल खानको सचिवालयमा कार्यरत कर्मचारीहरु इन्जिनियर अतिउल्लाह मुसलमान (अश्मिर खान), अनवर खान, आलिम मन्सुरी लगायतले रक्तदान गरेको अतिउल्लाहले युथ टुडे न्युजलाई जानकारी दिए ।
