बाँके । डेंगु रोगका कारण बाँकेमा दुई जनाको मृत्यु भएकोछ । भेरी अस्पताल नेपालगन्जमा उपचाररत १२ वर्षीया बालिकासहित दुई जनाको मृत्यु भएको हो । भेरी अस्पतालका मेडिकल सुपरिटेन्डेण्ट डा. बद्री चापागाईले दुई जनाको मृत्यु भएको जानकारी दिए ।
उनले भने, ‘भेरी अस्पतालमा उपचाररत दुई जना डेंगु बिरामीको मृत्यु भएको छ, डेंगुबाट मृत्यु हुने बाँके जिल्ला बाहिरका बिरामी हुन् ।’ चापागाईका अनुसार कैलालीकी १२ वर्षीया एक बालिका र बर्दियाका ८६ वर्षीय बृद्धको बुधबार मृत्यु भएको हो ।
बर्दिया, बढैयाताल गाउँपालिका-८ का ८६ वर्षीय पुरुष र टीकापुर नगरपालिका-६ कैलालीकी १२ वर्षीया बालिकाको उपचारका क्रममा मृत्यु भएको हो ।
