बाँके । स्थानीय सरकारको नयाँ नेतृत्व चुन्न शुक्रबार देशभरका मतदाता निर्वाचनमा सहभागी भएका छन् । विहान ७ बजेदेखि सुरु भएको मतदान केही सीमित ठाउँमा अशान्तिको बाबजुद देशभर उत्साहपूर्ण रुपमा चलिरहेको छ ।
मतदान केन्द्रमा विहानै मतदाताको लामो लाइन थियो, दिउँसोदेखि मतदान केन्द्रम भीड कम हुँदै गएको छ । शीर्ष नेता र उम्मेदवार पनि प्रायले विहानै मतदान गरेका छन् । पहिलो पटक मतदान गर्ने युवा मतदातादेखि वृद्धवृद्धासमेत उत्साहपूर्ण रुपमा मतदानमा सहभागी भएका छन् ।
मतदान गर्नका लागि कतिपय ठाउँमा वृद्धवृद्धालाई बोकेर लगिएको छ । नेपालगंजको २० मा रहेको मतदानमा बृद्धबृद्धा र अपागंलाई मतदान गर्ने सहज वातावरण नमिलाईएको प्रति स्थानीयहरुले निर्वाचन आयोगको कार्यशैली प्रति निन्दा गरेका छन् ।
यस्तै नेपालगंज १९ नम्बरको नेपाल राष्ट्रिय आधारभूत बिद्यालय कंठीपुरमा मतदान गर्न पुरुष भन्दा महिलाको संख्या बढी रहेको देखिएको थियो । टंटलापुर घाममा बसेर कर्मचारीहरुले मतदाताहरुलाई मतदान गर्ने सहज वातारण मिलाएका थिए । बिरामी र हिँडडुल गर्न नसक्नेहरु अरुको सहयोगमा पनि मतदान केन्द्र पुगेर मतदान गर्ने पाएका छन् । माओबादीका तर्फबाट वडा अध्यक्षको उम्मेदवारी दिएका शम्भु नाथ योगी, माओबादी नेतृ मिना मल्लले समेत सोही मतदान केन्द्रबाट मतदान गरेका छन् ।
