नेपालगन्ज । नेपालगन्जको धम्बोझीमा भएको सवारी दुर्घटनामा एक जना किशोरीको मृत्यु भएको छ । धम्बोझीबाट सेतुबिक जाने चोकमा डिजेल बोक्ने ट्याङ्करको ठक्करबाट एक किशोरीको मृत्यु भएको प्रहरीले जनाएको छ ।
पूर्वबाट पश्चिम तर्फ जाँदै गरेको ना३ख ८८५२ नम्बरको ट्याङ्करले भे ११ प ७६५७ नम्बरको मोटरसाइकललाई दिएको ठक्करबाट १८ वर्षकी किशोरीको मृत्यु भएको जिल्ला प्रहरी कार्यालय बाँकेका प्रवक्ता डिएसपि नारायण डाँगीले बताए ।
मृतक किशोरी नेपालगञ्ज उपमहानगरपालिका वडा नं १७ कि सालनी पाठक रहेको प्रहरीले जनाएको छ । भइनसकेको र दुर्घटनाबारे अनुसन्धान सुरु गरिएको प्रहरीले जनाएको छ ।
डिजेल बोक्ने ट्याङ्करको ठक्करबाट मृत्यु भएको किशोरीका बुबा दिलिप पाठकलाई उपचार पछि डिस्चार्ज गरिएको प्रहरी स्रोतले जनाएको छ । यता पिडित पक्षले डिजेल बोक्ने ट्याङ्करका चालकलाई कानुनी कारबाही र उचित क्षतिपुर्ति नदिए सम्म शव नबुझ्ने बताएका छन् ।
