नरैनापुर । बाँकेको नरैनापुर गाउँपालिकामा शनिबार आयोजित बृहत आमसभा तथा पार्टी प्रवेश कार्यक्रममा नेपाली कांग्रेस, एमाले लगायत पार्टी परित्याग गरी हजारौं युवाहरु जनता समाजवादी पार्टी नेपाल (जसपा) मा प्रवेश गरेका छन् ।
नरैनापुर गाउँपालिका कमिटीले नरैनापुर चोकमा आयोजना गरेको आमसभा तथा पार्टी प्रवेश कार्यक्रममा एमालेका जिल्ला सदस्य नन्दु सुनार सहित हजारौं युवाहरु जसपामा प्रवेश गरेको गाउँपालिका अध्यक्ष इस्तियाक अहमद शाहले जानकारी दिनु भयो । जसपाका अध्यक्ष तथा पूर्व उपप्रधानमन्त्री उपेन्द्र यादवले पार्टीमा प्रवेश गराउनु भएको थियो ।
सो अवसरमा बोल्दै अध्यक्ष शाहले कम्युनिष्ट र कांग्रेस दुवै शक्ति सरकार चलाउन असफल भएकोले अब सरकारको नेतृत्व जसपालाई दिनुपर्ने बताउनुभयो ।
