काठमाडौं । सनराइज बैंकले नारी बचत खाता खोल्नेहरुलाई विशेष सुविधा दिने योजना ल्याएको छ । बैंकले यस्ता खाता खोल्ने नयाँ तथा पुराना ग्राहकलाई प्रसूति हुँदा रु १० हजार दिने भएको हो ।
यसका साथसाथै यस खातामा घातक रोगमा रु ५ लाखसम्मको उपचार खर्च, ५ लाखसम्मको दुर्घटना बीमा, अस्पतालमा उपचार गर्दा रु २० हजारसम्मको ओपिडी खर्च, रु ८० हजारसम्म अस्पतालमा उपचार गरेको खर्च पाइने बैंकले जानकारी दिएको छ ।
बैंकले महिलाहरुलाई बैंकमा खाता खोल्न र बचत गराउन प्रोत्साहित गर्ने उद्देश्यले उक्त योजना ल्याएको जनाएको छ । यस्तै बैंकले यस्ता योजनाले महिलाहरुलाई आर्थिकरुपमा सबल बनाउन र उनीहरुलाई सशक्तीकरण गर्न सहयोग पुग्ने विश्वास लिएको जनाएको छ ।
