विनय पाठक
बाँके । नेपालगञ्ज उपमहानगरपालिका वडा नं ४ को सहयोग तथा नारी तथा बालबालिका कल्याण समितिको आयोजनामा १ दिने महिलाहरुको पाठेघर निशुल्क स्वास्थ्य शिविर माघ ५ गते हुने भएको छ ।
महिलाहरुको पाठेघर निशुल्क स्वास्थ्य शिबिर पाठेघर सम्बन्धि समस्या भएका सम्पुर्ण महिला लाई मध्यनजर गर्दै स्वास्थ्य शिविर संचालन गर्न लागेको वडा अध्यक्ष मोहम्मद सफिक बेहनाले जानकारी दिनुभयो । 
शिविरमा पाठेघर सम्बन्धि सम्पूर्ण उपचारका साथै औषधी निःशुल्क प्रदान गरिने आयोजकले जनाएको छ ।
वडा अध्यक्ष बेहनाले पाठेघर सम्बन्धि समस्या भएका महिलाहरु आफनो समस्या लुकाएर बसेको पाइएको र त्यस्ता महिलाको लागि पनि चेतना मुलक सन्देश फैलाउने उद्देश्यले शिबिर संचालन गर्न लागेको बताउनु भयो । शिविरमा स्त्री रोग बिशेषज्ञ डाक्टर फरहत बानोले स्वास्थ्य परिक्षण गर्ने वडा अध्यक्ष बेहनाले जानकारी दिनुभयो ।
अध्यक्ष बेहनाले वडाका सम्पुर्ण महिलाहरुलाई पाठेघरको परिक्षण गराउन अपिल गर्नु भयो ।
