बाँके । नेपाल कम्युनिस्ट पार्टी (माओवादी) केन्द्र बाँकेका अध्यक्ष डम्मर बिक तुफानले पार्टी चल्ने दुई वटा आधार भएको बताउनु भएको छ ।
पत्रकारहरु संग कुरा गर्दै भन्नुभयो एउटा विचार – राजनीति र दोस्रो विधि -पद्धतिमा मात्र चल्ने बताउनु भयो ।
बाँके माओवादीको नेतृत्व फेरिए पछि जिल्लाको पार्टी बिगतमा विधि र पद्धतिमा चलमन नसकेको प्रति चिन्ता व्यक्त गर्दै अब पार्टी बिधि र पद्दतिमा चल्ने दाबी गर्नु भयो ।
माओवादी केन्द्र बाँकेका सचिव डिल्ली बराल (अमिर) ले निर्वाचन केन्द्रित भएर ‘फिल्ड’मा जाने तयारी पुरा भएको बताउनु भयो। उहाँले भन्नुभयो ‘ केन्द्रीय सरकुलर अनुसार बाँकेमा पार्टीले निर्वाचन लक्षित काम गर्न सुरु गरेको जानकारी दिनु भयो ।
सचिव बरालले भन्नुभयो, पार्टी भनेको आन्दोलनको साधन हो, साध्य होइन। देश, काल परिस्थितिअनुसार जे आवश्यक हुन्छ पार्टी त्यसैगरी चल्छ । माओवादी पार्टीको आकार र संगठनभन्दा यसले बोक्ने विचार ठूलो हो। देशको स्वाधीनता र राष्ट्रियताको पक्षमा माओवादी केन्द्र निरन्तर लागि रहने बरालको भनाई थियो ।
