बाँके । प्रेस सेन्टर नेपाल बाँके जिल्लाका पाँच वटा पालिकामा सम्मेलन सम्पन्न गरेकाे छ । सोमबार प्रेस सेन्टरकाे जानकी गाउँपालिका, खजुरा गाउँपालिका, कोहलपुर नगरपालिका, डुडुवा गाउँपालिका र नेपालगञ्ज उपमहानगरपालिकाको नगर सम्मेलन सम्पन्न भएकाे हाे ।
सम्मेलनले नेपालगञ्ज उपमहानगरपालिकाको अध्यक्षमा अरसद अलि रंगरेजको नेतृत्वमा नगर कमिटी सर्वसम्मत चयन गरेकाे प्रेस सेन्टर नेपालका केन्द्रिय सचिव सेराज खानले जानकारी दिनु भयो ।
प्रेस सेन्टर नेपाल, नेपालगन्ज उपमहानगरपालिकाको दोस्रो अधिवेशनबाट उपाध्यक्ष सबिता चन्द, सचिव समिर अलि बेहना, सह सचिव शेर बहादुर बोहोरा, कोषाध्यक्ष गणेश सिम्खडा, सदस्यहरुमा क्रमश लक्ष्मी नारायण चौधरी , तिला खम्ब, जुना रावत, दान बहादुर बिक, भैरव कार्की र स्मृति कार्की चयन भएको प्रेस सेन्टर नेपाल बाँकेका अध्यक्ष राजेश आचार्यले जानकारी दिनु भयो ।
