बाँके । नरैनापुर गाउँपालिकाले क्षयरोग नियन्त्रण सम्बन्धी अर्धवार्षिक समिक्षा गरेको छ । मंगलबार क्षयरोग सम्बन्धी अर्धवार्षिक समिक्षा गरिएको स्वास्थ्य शाखाले जनाएको छ ।
कार्यक्रममा गाउँपालिका प्रमुख प्रशासकीय अधिकृत मणिराम खरालले रोगीको पहिचान र उपचारमा विशेष ध्यान दिएर लाग्न स्वास्थ्यकर्मीहरुलाई आग्रह गरे । टोलटोलमा स्वास्थयकर्मी तथा महिला स्वास्थ्य स्वयमसेविकाहरुबाट क्षयरोगीहरुको खोजि, पहिचानमा तिब्रताको साथ काम हुनुपर्नेमा जोड दिदै उनले भेटिएका सबैलाई उपचारको दायरामा ल्याउनुपर्ने बताए ।
यस्तै कार्यक्रममा गाउँपालिका वडा नं ६ का अध्यक्ष प्रेम मौर्य लगायतले बोल्दै क्षयरोग निवारणका लागि सबैको हातेमालो आवश्यक रहेको बताएका थिए । कार्यक्रममा गाउँपालिकाका स्वास्थ्य संयोजक नगेन्द्र कुमार शाहले पालिकामा क्षयरोगको अवस्था र स्वास्थ्य संस्थाहरुबाट रोग नियन्त्रणका लागि भइरहेका कामको बारेमा प्रस्तुतीकरण राखेका थिए । भने लुकेर बसेका क्षयरोगीहरुको पहिचान गर्न कार्ययोजना तयार गरेको छ । कार्यक्रममा ६ वटै स्वास्थ्य संस्थाका इन्चार्ज तथा क्षयरोगका फोकल पर्सनका साथै सर्भिलेन्स अफिसर बिबेक पौडेल र स्वास्थ्य कार्यालयका मानबहादुर नेपाली लगायतको सहभागिता रहेको थियो ।
